کتیبوو «یانەوەی هەورامانی و زوانی هەورامی» ئامانه بازاروو کتیبوو هەورامانی

هەمزەمان چنی ڕۆ جەهانی زوانی ئەدٚایی؛

کتیبوو «یانەوەی هەورامانی و زوانی هەورامی» ئامانه بازاروو کتیبوو هەورامانی

کتیبوو «یانەوەی هەورامانی و زوانی هەورامی» ئامانه بازاروو کتیبوو هەورامانی

یانەو دەنگووباسوو پاوە پرێسی؛ کتێبوو «یانەوەی هەورامانی و زوانی هەورامی» یەرۆمین بەرهەموو کوورش ئەمینی هەمزەمان چنی ڕۆ جەهانی زوانی ئەدٚایی ئامانه بازاروو کتێبوو هەورامانی.

بە پاو هەواڵوو پاوەپرێسی، ئی کتێبه پەیجۆرکاریێوی کۆمەڵئەژناسانەو زوانی هەورامی و جه ۲۰۰ لاپەڕێنه ئاراستەو کتێبخانەو هەورامانی کریان.

وەڵینەو ئی کتێبیەنه پێسه ئامان: گەرەکمانا چی دەقەنه، به تەشک و دیامانێوی تازەوه بدٚیەیمێ پەی زوانی و پا چێوا که مرمانمێ و نیشانەشا مدٚەیمێ؛ چەپەوانەو سیاسەتوو هاڵی کەردٚەی جه وێ و لیکم جه لەیدٚەی گنمێ ڕا و نیشانه دەیمێ. چوونکەتی ئینه یەکۆم لاقۆر به شێوازێوی مودێڕن و ئارۆیانەن که هەم زانست پەسەن و یاگه متمانه و هەم هاز و هێزدەر، چوارچۆنیەر و پێشەسازکەرا.

هۆڤیەت و کێبیەی هەورامەکا به بەرەکەتوو زوانی هەورامی و پاڵپشتی ئادٚیەوه تۆش گێرتێنه و ویەروو زەمانیەنه مەنەنەوه. ئینه زوانی هەورامی بیەن که بەروو هەورامانیەوه پێسه نەخشێوی دیامانوو هەورامیەکاوه دیار بیەن و ئادٚێش لکنەینێ هەنترینیەره و ئەگەر پنەواز بیەبۆ، چنی دەورووبەریەکاشا جیایش کەردٚێنێوه. درۆس یام نادرۆس، به پاو بەڵگه تاریخیەکا یام پێچەوانەشا به دەرک و ئەنەیاوای ئی جەرەیانیە یامکەتی به پاو ویەرین نویسەی وێمانه و فرەچەم دیا؛ زوانی هەورامی ئیسه پێسه نەمادێوی بوومی و ئێلێمانوو سەرتەڵوو فەرهەنگوو هەورامانیا.

هەواڵ جه: لایێق سڵێمان زادە



۶ دیدگاه

    کوورش ئەمینی اسفند ۴, ۱۳۹۵ - ۰۸:۳۳
    0
    0

    سپاس و دەس وەشی پەی گردٚوو ئازیزا
    شانازی کەروو ئینانی لاتانه و پەی گەشه و سەروسەی زوانی هەورامی لاقۆره هۆرگێروو.
    هەر چی دەلاقەیچەوه، ڕۆ جەهانی زوانی ئەدٚایی پیرۆز کەروو به گردٚوو خەڵکوو دنیای و سەرجەم هەورامی زوانەکاو دنیای

    شهلا فتحی اسفند ۳, ۱۳۹۵ - ۲۳:۴۷
    0
    0

    سڵام و دەس وەشی پەی شمە کاک کورشی بەرێزی ، لەش تا ساق بۆ ،ویرتا سۆز ،ماندێ پەی هورامانیو و هورامی…

    هەورامان ڕۆستەمی اسفند ۳, ۱۳۹۵ - ۲۲:۴۵
    1
    0

    سڵام
    بیەی کاک کوورش ئەمینی پەی هەورامانی یاگێ شانازیەنە و بەڕاسی کەسێ پێسە ئاد٘ی کەمێ نیەنێ و بە وەشحاڵیەوە داواشا چنە کەرمێ بنویسا پەی هەورامانی و قەڵەم دەمەزەرد٘ کەرا پەی گەشەو زوانی هەورامی.
    ئینە چن ساڵێن خزمەت کەرمێ بە زوانی ڕەسمی وەڵاتیما و شانازیچش پەنە کەرمێ.یام خزمەتما کەرد٘ەن بە سۆرانی پێسە یۆ جە زوانە یۆگیرەکاو میلەتوو کوردی.
    بەڵام ئێتر وەختوو ئانەیەنە خزمەت کەرمێ بە زوانی ئەد٘ایی وێما.هەر چن فرە دێرا بەڵام ماشەڵڵا هەورامان تا ڕۆڵێ پێسە کاک کوورشیش چنە با پەیش دێر نیا و کریۆ بە هێمەتێوە زیاد٘ێ ئی کەمتەر خەمیە جۆبران کەرمێوە.
    چنی سپاسیم

    پاوه اسفند ۳, ۱۳۹۵ - ۱۷:۲۴
    0
    0

    قلم اقای کورش امینی در هورامان حقیقتا یک برند است.ایشان مترجم چند رمان پرفروش جهانی به زبان هورامی هستند.
    از جمله برگردان کتاب قلعه حیوانات
    شاهزاده کوچک
    کتاب اموزش زبان هورامی استاندارد برای هورامی زبانها.
    با وجود کسانی مانند اقای کورش امینی باید منتظر رستاخیز عظیم زبان وادب هورامی بود
    برای ایشان ارزوی موفقیت وشادکامی دارم.

    نوسود اسفند ۳, ۱۳۹۵ - ۱۲:۱۲
    0
    0

    با تشکر از آقای امینی
    و با تشکر از سایت پاوه پرس
    مدیریت سایت فکر کنم این چهارمین کتاب آقای امینی باشد.
    در متن نوشته که سومین کتاب

    محمودي اسفند ۳, ۱۳۹۵ - ۱۰:۴۱
    0
    0

    سپاس و ده‌س وه‌شی په‌ی ئاغه‌ی ئه‌مینی. قه‌ڵه‌مت هه‌میشه‌ رنگین بۆ.

نقد و بررسی

مهمترین اخبار