مسیارنامه‌ به‌ بریو جه‌ مسیاراو زوانی هه‌ورامی جه‌ پاوه‌نه‌ پیشکه‌ش کریا

ڕاپۆرتێ جه‌ گلێره‌و ئه‌نجومه‌نوو نه‌سیموو فه‌رهه‌نگوو هه‌ورامانی؛

مسیارنامه‌ به‌ بریو جه‌ مسیاراو زوانی هه‌ورامی جه‌ پاوه‌نه‌ پیشکه‌ش کریا

مسیارنامه‌ به‌ بریو جه‌ مسیاراو زوانی هه‌ورامی جه‌ پاوه‌نه‌ پیشکه‌ش کریا

پایگاو خه‌وه‌ری ته‌حلیلی پاوه‌ پرێسی؛ هیزی دوه‌شه‌مه‌ ڕاکه‌وتوو ۱۱/۱۰/۱۳۹۶ی گلێره‌ی حه‌فته‌ی ئه‌نجومه‌نوو نه‌سیمی تایبه‌ت دریابێ به‌ پێشکه‌ش که‌رذه‌ی مسیارنامه‌ی به‌ بڕێو جه‌ مسیاراو زوانی هه‌ورامی جه‌ پاوه‌نه‌.

به پاو هه‌واڵوو پاوه‌پرێسی، جه‌ ده‌سپنه‌که‌رده‌و به‌رنامه‌که‌ی ئیبراهیم شه‌مس پێسه‌و مودیر مه‌سئوولی ڕاپۆرتێوی کۆتاش دا سه‌روو هه‌رمانه‌کاو مۆئه‌سێسه‌ی که‌ ئی ڕاۆرته‌ به‌ جیا منریۆره‌. ئارۆ جه‌ کاکه‌ فه‌تحوڵڵا ڕه‌زایی پێسه‌ مامۆساو فێرگاو زوانی هه‌ورامی ئه‌ره‌مه‌رزیاو نه‌سیمی جه‌ لایه‌نوو گردوو به‌شداراوه‌ قه‌درزانای و ئێحترام گیریا و مسیاره‌کێ مسیارنامه‌شا جه‌ ده‌سوو مامۆسا فه‌رهه‌نگیه‌کاوه‌ گێرت.

بڕێو جه‌ ساحیب نه‌زه‌را سه‌روو که‌یفیه‌توو هه‌رمانه‌کاو مۆئه‌سێسه‌ی هه‌ریۆ بڕیاروو وێشا داشا و قه‌رار پاسه‌ دریا ئه‌نجومه‌ن په‌ی چن حه‌فتا سه‌روو ئی بابه‌تاوه‌ بلۆ ڕاوه‌:

۱- شێعره‌ی کلاسیکه‌ جه‌ ئه‌ده‌بیاتوو هه‌ورامانیه‌نه‌ به‌ ڕاوه‌به‌رده‌ی کاکه‌ حکمه‌ت موحه‌مه‌دی
۲- به‌دیع کاکه‌ خالێد قانێع
۳- شێعره‌ی نه‌وه‌ مامۆسا حه‌مه‌ڕه‌شید ئه‌مینی
۴- عرووز کاکه‌ جه‌ماڵ قادر پوور
۵- نه‌سری مورسه‌ل و نه‌سری موسه‌جه‌ع کاکه‌ خالێد قانێع
۶- زوانی یۆگیری هه‌ورامی کاکه‌ عه‌بدوڵڵا حه‌بیبی
۷- داستان کۆتای هه‌ورامی کاکه‌ ئه‌رکان سه‌عدی

مه‌راسمێ که‌ مۆئه‌سێسه‌و نه‌سیموو فه‌رهه‌نگوو هه‌ورامانی جه‌ ئه‌ره‌مه‌رزیایش تا ئیسه‌ گێرتێنێش:

۱- مه‌راسموو ئه‌ره‌مه‌رزیاو مۆئه‌سێسه‌ی ۱-۲-۱۳۹۴

۲- په‌رده‌لادای جه‌ دیوانوو شێعره‌کاو سه‌یادی ۳۰-۲-۹۴

۳- شه‌وه‌ شێعره‌ مزگی حه‌زره‌توو عه‌بدوڵڵای – ۱۸-۴-۹۴

۴- ئه‌وه‌ڵین جه‌شنواره‌و شێعره‌و زارۆڵاو هه‌ورامانی ۳۱- ۵- ۱۳۹۴

۵- مراسم گرامیداشت مرحوم هیاس غریبی ۴-۸-۹۴

۶- نشریه ئاوز خرداد ۱۳۹۴

۷– یه‌رۆمین هه‌مامه‌ی ته‌خه‌سۆسی داستان کۆتای هه‌ورامی ۳۰-۲-۹۵

۸- مه‌راسموو ته‌مام بیه‌ی که‌ڵاسوو زوانی هه‌ورامی ۴-۶-۹۵

۹- ئه‌ره‌نیای بنچینه‌و فه‌رهه‌نگستانوو زوانی هه‌ورامی. خه‌رمانه‌مانگه‌و ۱۳۹۵ی

۱۰- چوارۆمین هه‌مامه‌ی ته‌خه‌سۆسی داستان کۆتای هه‌ورامی ۲۷-۶-۹۶

۱۱- دوه‌مین جه‌شنواره‌و شێعره‌و زارۆڵاو هه‌ورامان ۳۰-۹-۹۶

هه‌ده‌ف و به‌رنامه‌کێو مۆئه‌سێسه‌و نه‌سیمی:

۱- هه‌ده‌ف دیارا. ئێمه‌ یه‌ک هه‌ده‌فما هه‌ن و ئادیچ خزمه‌ت به‌ زوان، فه‌رهه‌نگ و ئه‌ده‌بیاتوو هه‌ورامانیا.

فرێ ئیراد گێرا چی فه‌قه‌ت زوانی هه‌ورامی؟
به‌ چن ده‌لیلێ:
۱- زوانی هه‌ورامی زوانوو ئێمه‌ن و وه‌زیفه‌و گردیمانه‌ خزمه‌تش پنه‌ که‌رمێ.

۲- زوانه‌کێ ته‌ری پێسه‌و فارسی و سۆرانی هیچ ئه‌وه‌جێوشا به‌ ئێمه‌ نیا. ئادێ ساحیبشا هه‌ن و دڵسۆزێشا فرێنێ و هه‌زاران به‌رابه‌رێ هه‌ورامی کارشا په‌ی کریان.

۳- جه‌ هه‌وراماناته‌نه‌ و به‌ تایبه‌ت پاوه‌نه‌ ئه‌نجومه‌نه‌کێ ته‌رێ هه‌نێ که‌ ئی کاریه‌ که‌را و عه‌مه‌ڵه‌ن ئێمه‌ خه‌ڵه‌ئما وه‌ش نه‌که‌رده‌ن.

۴- ئێمه‌ تا ئیسه‌ نه‌ پێسه‌و تاکی و نه‌ پێسه‌و ئه‌نجومه‌نی هیچ بێ ئێحترامیێوما به‌ هیچ زوانێو یا ئه‌سڵه‌ن هیچ مه‌رامێوی نه‌که‌رده‌ن و ئینه‌ نیا قامووسوو ئێمه‌نه‌.

۵- ئێمه‌ هه‌ر که‌س ده‌سوو برایی په‌ی خزمه‌ت به‌ زوان، فه‌رهه‌نگ و ئه‌ده‌بیاتوو هه‌ورامانیما دۆ ده‌سه‌ۆ، به‌ ته‌ماموو ئێخلاسی ده‌سش فشارمێ.
ئینه‌ جوابوو ئا ئیرادا که‌ جه‌ نه‌سیمی گیریاینێ.

به‌رنامه‌کێ:

ئێمه‌ ئه‌نجومه‌ن ئه‌ده‌بیما هه‌ن و فه‌عالا و ماشه‌ڵڵا جه‌ فازی تازه‌شه‌نه‌ به‌ به‌رنامه‌ کار به‌رمێ ڕاوه‌. و هه‌ر حه‌فته‌ تایبه‌تا به‌ به‌رنامیوی. که‌ڵاسوو زوانی هه‌ورامی. ئێتر ئینه‌ جه‌ هیچ که‌سی نه‌شاریانه‌و که‌ڵاسوو زوانوو ئێمه‌ که‌یفیه‌تش جه‌ گردوو که‌لاسه‌کاو هه‌ورامانی ئینا وه‌ره‌و. شوکر په‌ی خوای ئێمه‌ مامۆسایوی عالما هه‌ن ڕه‌ونه‌قش دان به‌ مۆئه‌سێسه‌ی و به‌ زوانی هه‌ورامی.

به‌رنامێ فرێنێ پێسه‌و باسی په‌یجۆرکاری، باسوو فه‌رهه‌نگستانی که‌ دایمه‌ قه‌وڵش مده‌یمی و..

چێو به‌ قسێ نمه‌کریۆ دوصد گفته چو نیم کردار نیست.

کرداروو ئێمه‌ و عه‌مه‌ڵکردوو ئێمه‌ دیارا.

هه‌واڵ جه: کاک ئیبراهیم شه‌مس



۲ دیدگاه

    هباساوا دی ۱۸, ۱۳۹۶ - ۲۳:۱۶
    0
    0

    بە خوا ئی خەڵکوو هەورامانیچە سەرش وەنە شێویان… ئاخۆر واچە مۆئەسێسە چە مشۆم کورڐی هەرمانە کەرۆ

    پاوه‌ی دی ۱۳, ۱۳۹۶ - ۰۹:۳۴
    0
    0

    پارێزنای زوانی ئه‌دایی ئه‌رکوو گردیمانه‌ن ده‌سوه‌شی مه‌که‌رم جه‌ موسسه‌و نه‌سیمی.

نقد و بررسی

مهمترین اخبار