“ئەودیموو مانگی”رومانەو حافیز ئەحمەدی روانه‌و بازاری بی

“ئەودیموو مانگی”رومانەو حافیز ئەحمەدی روانه‌و بازاری بی

“ئەودیموو مانگی”رومانەو حافیز ئەحمەدی روانه‌و بازاری بی

پایگاو خەبەری تەحلیلی پاوە پرێسی؛ ڕومانەو (ئەودیموو مانگێ) بە قەڵەموو (حافێز ئەحمەدی) جە ۱۷۰ لاپەلێنه بە ئومێذوو خوذای جە لایەنوو نەشروو ئارمان نگاروو تارانیوە تا دەوهوموو ئی مانگێ (ئابان) مێ بازار.

بە پاو هەواڵوو پاوەپرێسی، ئی ڕومانێ جە ساڵەکاو ۱۹۸۸ تا ۱۹۹۹ی میلادی قۆمیۆ و ئەچی بەینیچنه شیمیاوارانوو هەڵبجەی گێرۆنە ڤەر. ئەڵبەتە شیمیاوارانوو هەڵەبجەی تەنیا بەشێوە مچکلەو ئی ڕومانێ گێرۆنه ڤەر و مێحوەریەتوو ڕومانێ نیا سەرشەو.

هەرچن کە تەقریبەن تاڤوو واچوو هەشتا جە سەذوو ماجەرایاو ڕومانێ بۆنەو ئا شیمیاوانیوە مێنێنه ڤەر، بەڵام مێحوەریەتش ئینا سەروو حێزبێوە کە بۆنەو جەنگوو ئێراق و ئێرانیوە وەش بیەن. (سووشار) حێزبێوە دە نەفەرەن که حسەین دڵارام فرماندەشا و نۆ تەک تیر ئەندازێ‌تەر ئەچی حێزبنه پێسەو دە ڕەفێقه گیانیا و دە برایا پەی شەرەف و نامووسیشا گژیا و بڕێوەشا گیان مذا.

ئەودیموو مانگێ دوێ دیمێو مانگێنێ کە یۆشا چەرمەن و یۆشا سیاوا، بەڵام حەقێقەتنه هەردوە سیاوێنێ و فرەش پەنە مشۆ تا حسەین دڵارام ئینەیە زانۆ. ئەودیموو مانگێ داستانەو ژیوایو حسەین دڵارامی و حێزبوو سووشارینه.

ئی ڕومانێ بنەمایێوە تارێخیش نیا و نیمە تەخەیۆڵیەنە و تەنیا هۆو ئانەی کە ساڵانوو ۱۹۸۸ تا ۱۹۹۹ی دیاری کریان پەیش ئانەن کە ئشیێم مقەدەرێوە گەورە پێسەو شیمیاوارانوو هەڵەبجەیش بیێ چەنە تا ساختمانوو داستانێ شکڵش گێرتێ.

بە ئاواتوو ئانەیوە یاوۆ دەستا و شمەیچ پێشوازیش کەردێ چەنە و تەنیاما نازدێ. یاگێشنه دەسوەشانەو کاکە عەدنان مورادی کەروو پەی ونارایو ڕووبەرگەکەیش.

هەواڵ کیانوو پاوە پرێسی: هومایون موحەممەدنژاد 



بدون دیدگاه

نقد و بررسی

مهمترین اخبار