ئەدەبیاتوو هەورامانی مەدیوونوو پاوە پریسی / هەورامان روستەمی

ئەدەبیاتوو هەورامانی مەدیوونوو پاوە پریسی / هەورامان روستەمی

ئەدەبیاتوو هەورامانی مەدیوونوو پاوە پریسی / هەورامان روستەمی

پایگاه تحلیلی خبری پاوه پرس؛ سڵامیوی گەرم جە هەورامانوو دڵیەنە پێشکەش بە وانەری ئازیزی.چاگە کە چنوور و شەوبۆ ڕەژبەڵکشانا و سۆرە هەراڵە وێش ڕازنانشەوە پەی ژوانوو وەرکەمەری و ڕازیانەی.هاڕەو وەرواوا مۆسیقاو ئەشقی مد٘ۆ وەنە و دەسە دەسە نازارێ، جەمین گۆڵێ ،ناسک خەیاڵێ هەورامیانە وێشا تەد٘ارەکشا دان پەی دید٘ەنوو یاری.

ئینە سرووشتە جوانەکەو هەورامانین،ئینە بەشیوی تایبەت جە بەهەشتوو خوایا کە ئەرمانانش پەی مەخلووقی.بەڵێ هەورامان ئاخرین ڕەدیفوو مۆسیقاو ئەشقیا.هەورامان ڕێخێش ئینای دلێ درێژایی ویەردەیەنە و چنی دماڕۆی گەشی دەزگیرانێنێ و سەرکەلەکاوە دەسەملانی کەرا.

وانەری بەرز و بەڕێز!هەورامی زوانی گەشاوەز!

ئەدەبیاتوو هەورامانی جە ویەردەنە مەدیوونوو شەو نەوتەی و ئەرکوو شاعێرە بەرز و وەش زەوقەکاش بیەن کە تا ئیسە پێسەو ئەمانەتیوی فرە بە نرخی و قۆرسی سینە بە سینە و بەنویسیایی و بە گۆرانی و لایە لایەو ئەد٘او هەورامانی یاوان دەسوو ئێمە.

ئەرکوو ئێمە چێشا چی دەورەنە؟

ئێمە پێسەو ڕۆڵەکاو هەورامانی مشیۆم پڕ بە دڵ درێژە دەروو ڕاو گەورە پیاکا و شێرە ژەنەکاو هەورامانی بیمی و بە نویسەی و وانای بە زوانی ئەد٘ایی ئەرکوو سەروو شانەو وێما بە شانازیەوە بەرمێ سەر.یۆ پێسەو شاعێری شێعرێ چنۆ باڵاو هەورامانیەوە و ئەویچ پێسەو نویسەری شیکاری وردوینیەکاو بەشە جیاجیاکاو ئەدەبیاتوو هەورامانی کەروو.

جە چن ساڵی ویەردەنە شاعێر و نویسەرەکێ هەورامانی هەلیوی  تایبەتشا بێ پەی ئانەی دەنگشا بیاونۆ گردوو هەورامانی و تەنانەت دنیای.پاوە پرێس!بەڵێ پاوە پڕێس پێسەو پەلیانێوێ هەواڵ نویسیێ  فەرهەنگی و کۆمەڵایەتی و سیاسی هەنگامێ گەورێش نیەی تا ڕۆڵەکێ هەورامانی ئاشنا کەرۆ چنی ئاساروو شاعێر و نویسەرەکاش.جە گردوو هەمامەکا و فستیواڵەکانە بە پڕ ڕەنگ دیاریش دا و بێ هیچ منەتێوە،بێ هیچ وەرچەمێو و تەنیا  بە خاتروو ورکەو و خەموو زوانی ئەد٘ایی بەڕاسی گەورەتەرین پاڵپشت بی پەی نویسەرەکاما.

داخەم مەشۆ قەڵەم کەی هێزش هەن بتاوۆ دەس وەشیش چەنە کەرۆ.دەس وشی و بێ قەزایی و مانێ نەوی واچۆ بە “کاک فارۆق یۆسفی” و “کاک میلاد یۆسفی”.

هەر وەخت قەڵەم نەتاواش وەسفوو پیاوەتی و چنە ئامایی کەسیوی کەرۆ بە پەیلواو من ئێتر درووس نیا هیچ واچی و مات کەری خاستەرا.

من بە یاگێ وێم،پێسەو وردیتەرێن نویسەری جە بەشوو نەسری و داستان کۆتایەنە،قۆڵتەرێن و بێگەردتەرین دەس وەشی جە وەرپەرسوو پاوە پرێسێ کەروو و ئاوات وازەنا هەمیشە جە هەرمانەکاشانە بەردەوامێ با و ئیشەڵڵا دایمە لەش ساقێ و تەمەن درێژێ با.

چنی سپاسیم.هەورامان ڕوستەمی.مەریوان.



یک دیدگاه

    کسی در این شهر خرداد ۱, ۱۳۹۶ - ۲۲:۵۴
    0
    0

    سه‌ره‌م سر مه‌نه‌ن چی باسه‌یه!

نقد و بررسی

مهمترین اخبار
  • نا پەی نەژنیای لایەلایەو ئەدای/ ئومید حەبیبی

    پایگاه تحلیلی خبری پاوه پرس؛ حەشاش چنە مەکریۆ ئەوەوڵكیای و ئەرەشیویای تان وپۆ هەر کۆمەڵگاییوی چا بەرەگانە قۆمیۆ خەڵکەکەش تخوونوو فەرهەنگی وێمانەیشا نەگناوە و خۮێ دانە فەرهەنگیوی لەیۮەی و دلێشەنە تاویاوە. چا تەشك و دیامانەنە تاک وێش نیا و بێ ...

    1 ساعت پیش
  • عجب مربای شیرینی بود آن امهال وام ها/بهروز خسروی‌زاد

    پایگاه تحلیلی خبری پاوه پرس؛ شب به سحر رسیده است و خواب راهی به چشمانم نمی یابد. در این ماراتن اندیشه ها بسی فکر ها که به ذهن می آیند. پس از پشت سر گذاشتن زمین لرزه ای وحشتناک و ...

    ۳۰ بهمن ۱۳۹۶
  • شرحی بر میرزامحمود سیافی مستوفی متخلص به محزون/ حیدر معاذی

    پایگاه تحلیلی خبری پاوه پرس، چندی است حیدر معاذی پژوهشگر ومحقق شهرستان یادداشت هایی در توصیف بزرگان دیار به رشته تحریر در آورده ودر هریک پیامی را به مخاطب منتقل می نماید، اینک نیز با قلم رسای خویش به توصیف ...

    ۲۹ بهمن ۱۳۹۶